БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • БЕМОРИИ КАМХУНИИ ДИЛ ВА РОҲҲОИ ПЕШИГИРИИ ОН. (ВИДЕО)

    Кардиологи Бемористони Ибни Сино,

    Юсупова Малика

     

    Бемории ишемиявии дил осеби шадид ё музмини миокард мебошад, ки дар натиҷаи кам ё пурра қатъ шудани таъмини мушаки дил аз ғизои он – оксиген, ба миён меояд. Боз ҳам соддатар баён кунем, мушакҳои дил аз оксиген, ки бо хун расонида мешавад, камбудӣ мекашанд, ва агар ин камбуди тӯл кашад боиси иллатдор шудани мушакҳои дил мегардад.

     
  • БУҒУМИ НОДУРУСТ Ё АРТРОЗИ ДУРӮҒИН.

    Мудири бахши ортопедии

    Бемористони Ибни Сино, 

    доктор Мирзобеков Қурбоналӣ

     

    Буғуми нодуруст ё артрози дурӯғин ҳолати патологиест, ки ҳангоми он пайвастагии устухони дарунхолӣ халадор мегардад. Дар илми тибб ҳолати мазкурро ба ду навъ - буғуми нодурусти касбкарда, ки дар натиҷаи ҷароҳат ё шикастани устухон  шакл мегирад ва буғуми нодурусти модарзодӣ тақсимбандӣ кардаанд. 

     
  • ЭНДОСКОПИИ ДАСТГОҲИ ГУВОРИШ (РОҲИ МЕЪДАВУ РӮДА): ДАҚИҚТАРИН УСУЛИ ТАШХИС!

    Ассистенти бахши гастроэнтерологии

    Бемористони Ибни Сино,                                             

    доктор Қосимов Маҳмадсабур.

     

    Дар тибби муосир, эндоскопӣ аз ҳама усули дақиқи ташхиси бемориҳои узвҳои гувориш (роҳи меъдаву рӯда) шинохта шудааст. Ин муоина, на танҳо имкон медиҳад бемоориҳои гуногунро дар давраи аввалияи онҳо ошкор кунанд, балки гоҳе авқот сабаби наҷоти ҷони инсон низ мегардад.

Мо дар Facebook

Обу ҳаво

Мақолаҳо

«Арзон бе иллат нест, гарон бе ҳикмат»

   Дар урфият мегӯянд: «Арзон бе иллат нест, гарон бе ҳикмат».

Ин мақол дар мисоли ироаи хадамоти тиббӣ мафҳуми  хос  пайдо мекунад.

Бештари мардуми мо бовари  ғалате доранд, ки  хадамоти тиббӣ бояд ройгон  ё ҳадди аққал арзон бошанд.

           Дар ин амр, ки хадамоти босифати тиббӣ бояд ба ҳама дастрас бошад, шакке нест.

        Вале инро чӣ гуна метавон ташкил кард?

Сараввал бубинем, ки барои ироаи ин хидмат чӣ сарф мешавад?

-маоши мутахассис;

-васоили масрафӣ;

-дору;

-таҷҳизот;

-бино ва нигоҳдории он;

-андозҳои мухталиф  ва ғайра

      Оё имкон дорад, ки мо дар ин руйхат сарфаҷӯӣ кунем?

       Агар ба мутахассис маоши кам бидиҳем, набояд интизор бошем, ки табобати хуб мегирем.

         Агар дар масрафҳои дигар  сарфа бикунем, ноилоҷ бояд ба сирояти бемориҳо розӣ бошем.

           Агар доруи арзон мехоҳем, бояд  бидонем, ки табобат муассир нахоҳад буд.

            Агар таҷҳизоти замонавии аврупоӣ надошта бошем, ташхис  ва дармон ноқис  хоҳад буд.

             Бе барқ, гармиву сардӣ ва  ва пардохти ҳаққи обу фозилоб, ки ҷузъи  нигоҳдории бино ҳастанд,  фаъолият номумкин аст.

              Ин аст, ки маънии мақол равшан гашт. Яъне агар мо ба дунболи  сарфаҷӯӣ дар пардохти хидмати тиббӣ бошем, яқинан ба хидмати пастсифат, ки ба авориз ва ҳатто марг мерасонад, розӣ ҳастем!

              Аммо, аз тарафи дигар,  на ҳама тавони пардохти пули зиёдро барои табобат доранд.

             Пас чӣ бояд кард?

              Бояд розӣ шавем, ки ҳар ки пул надорад, дарду ранҷаш даво наёбад?

               Оё фақат мардуми кишвари мо бо ин мушкил  рӯбарӯ шудаанд?

                 Агар не, пас кишварҳои дигар ин мушкилро чӣ гуна чора кардаанд?

                Кишварҳое, ки пеш аз мо иқтисоди бозорӣ доштанд, ин роҳро тай кардаанд ва дарк карданд, ки чораи муассири ин мушкил суғуртаи тиббист.

                Суғуртаи тиббӣ чӣ гуна амалӣ мешавад?

                Суғуртаи тиббӣ қарордод ё паймонест, ки дар байни ширкати суғуртавӣ ва муштарӣ баста мешавад ва  мутобиқи он ширкат ба ивази пардохте муваззаф мешавад, ки хазинаҳои табобатии муштариро дар ҳоли пеш аз (?)  пайдо шудани зарурат пардохт бикунад.

                Мардуми мо, ки пас аз пошхӯрии Иттиҳоди шӯравӣ зиёни ҳангуфт аз коғазҳои қимматнок, пасандозҳои бонкӣ ва дигар муомилоти молиявӣ дидаанд, ба суғурта низ  бо чашми  шубҳа менигаранд. Вале дигар замона тағйир хурдаву қонун ҳоким гаштааст ва муштариён тибқи қарордодҳо метавонанд аз ҳуқуқи худ дифоъ намоянд.

                 Инак ба ҷое расидем, ки қисмати дуввуми мақолро низ таъриф мекунад. Вақте инсон мехоҳад ба саломатияш расидагӣ кунад, бояд муассисаи беҳтарини тиббиро интихоб кунад! Зеро гарон бе ҳикмат нест!

             Ба ширкатҳои суғуртавӣ («Суғуртаи миллӣ)  муроҷиат кунед ва мутмаин бошед, ки дар ҳоли пеш омадани зарурат дар беҳтарин муассисаҳои тиббӣ ройгон табобат хоҳед гирифт!

 

ФОТО