БЕМОРИСТОНИ ИБНИ СИНО Ёрии таъҷилӣ: (+992) 90 255 03 03
Бемористони байналмилалии Ибни Сино

Хабар

  • ЯТРОГЕНӢ ЧИСТ?

    Пизишки умумии бемористон,

    Ҳамроалиева Ноҳида.

     

    Ятрогенӣ (аз юнонии қадим ἰατρός "табиб" + γενεά "таваллуд") - бадшавии ҳолати ҷисмонӣ ё равонии бемор аст, ки  бо сабаби саҳлангории мутахассиси соҳаи тибб рух медиҳад.

     
  • БЕМОРИИ ҶОҒАР

    Эндокринологи бемористон,

    Доктор Аббос Тавакуллиён.

     

    Бемории ҷоғар, яъне ғадуди сипаршакл аз андоза калонтар шудан аст. Дар сурати ботаҷриба будани табиби эндокринолог метавонад тағйироти андозаи ғадуди сипаршаклро бо муоина ташхис гузорад. Дар сурате, ки табиб натавонад бо муоина андоза ва хусусиятҳои зобро муайян созад, он гоҳ тавассути УЗИ метавонад онро муайян созад.

     
  • НОҲАНҶОРИИ (АНОМАЛИЯИ) ЭБШТЕЙН

    Ноҳанҷорӣ ё аномалияи Эбштейн бемории нодирӣ модарзодии дил мебошад. Ин беморӣ миёни тамоми иллатҳои модарзодии дил 1% ро ташкил медиҳад. Бемории мазкур бори аввал аз ҷониби осебшинос (потологоанатом) Эбштейн тавсиф гардидааст. Ҳангоми ин иллат, девораҳои қапқоқои рости даҳлези дил, на аз ҳалқаи даҳлезӣ-меъдачавӣ, балки аз девораҳои меъдачаи рост берун меоянд ва ба пуррагӣ ҷафс намешаванд (норасоии қапқоқи трискупид).

Мо дар Facebook

Обу ҳаво

Тавсияҳои мо

Пешгирӣ аз пайдо шудани санг дар гурда ва роҳҳои пешоб

Санги гурда- бемории мазкур дар минтақаҳои гарму хушк ва кӯҳистону шимол бештар дучор меояд. Санги гурда ва роҳи пешоб на танҳо дар одамон, балки дар ҳайвонот низ дучор меояд. Ин бемориест, ки аз қадим одамизодро заҳмат медиҳад ва -4 фоизи аҳолӣ, хурду калон ба он гирифтор мешаванд. Қариб 65-70 фоиз ҳодисаҳои гирифторшавӣ ба бемории санги гурда ба ашхоси 20-55-сола рост меояд. Аз занон дида бештар мардон ба ин беморӣ гирифтор мешаванд.


Санг метавонад ҳам дар як гурда ва ҳам дар ду гурда пайдо шавад. Тақрибан 20-30 фоизи беморон дар ҳарду гурда санг пайдо карда метавонанд.
Дар баъзе ҳолатҳо беморӣ бе ягон нишона мегузарад ва санг аз худ дарак намедиҳад. Танҳо зимни гузаронидани ташхиси ултрасадо маълум мешавад, ки дар гурда санг пайдо шудааст. Баъди ошкоршавии санг ҳатман томография, ташхиси лабораторию ренгенӣ зарур аст.

Роҳҳои пешгирӣ ва табобат

 Миёни сабабҳои экзогении пайдошавии санги гурда пеш аз ҳама иқлим, оби нӯшокӣ ва ғизоро номбар кардан мумкин аст. Табобати санги гурда дар шароити имрӯза комплексӣ ва давра ба давра буда, усулҳои консервативӣ, хирургӣ ва табобати осоишгоҳиро дар бар мегирад.
Зимни табобати комплексии санги гурда чунин вазифаҳо дар мадди аввал гузошта мешаванд:

боздоштани дарди гурда,

дур кардани саривақтии ғурӯшаҳо

ва пешгирии минбаъдаи сангпайдошавӣ.

Табобати санги гурдаи занони ҳомила маҳдудиятҳои муайян дорад. Зани бемор ва пизишк бояд пеш аз ҳама дар фикри комил кардани замони ҳомиладорӣ ва хуб ба анҷом расонидани он бошанд. Баъди таваллуд кардан бояд бемор мудом зери назорат гирифта шавад.
Табобати хирурги (ҷарроҳи)-и санги гурда як ҳадафи асосӣ дорад: кӯшиш бояд кард, ки то бидуни расондани камтарин зарар сангу қумҳо аз роҳи пешоб ва гурда дур карда шавад. Ғайр аз ҷарроҳии кушод санги гурдаро бо роҳи метотрипсия низ дур мекунанд. Яъне, тавассути таҷҳизоти махсус – метотриптор санг майда карда мешавад.

Тавсия

Тӯли 5 сол барои беморони санги гурдаро аз сар гузаронида зарур аст, ки дар ҳар се моҳ пешобро ташхис намуда, аз назорати дастгоҳи ултрасадо гузаранд.

 Ба бемор тавсия дода мешавад, ки дар як шабонарӯз то 2-2,5 литр моеъ (об) бинӯшад.

Обро дар вақти ғизо ва ду соат баъди ғизо нӯшидан беҳтар аст. Зеро, дар ин лаҳзаҳо миқдори оби ҷисми инсон кам мешавад.

пеш аз хоб низ нӯшидани як миқдор об (чой) муфид аст. Чунки шабонгоҳ ҷамъшавии пешоброниро пешгирӣ мекунад.
Беморе, ки зуд-зуд ба уролог муроҷиат намуда, тибқи тавсияҳои ӯ амал менамояд, ба дубора пайдошавии санг хеле кам дучор меояд. Бемор бояд донад, ки дар сурати пешгирӣ накардани беморӣ ва ба тавсияҳои уролог эътибор надодан, хавфи дубора пайдошавии санг дар зарфи 10 сол 50% ва дар тӯли 20 сол бошад, 80% зиёд мешавад.

ФОТО